Ikasbidaia antolatzen

 

Aurten zuen gelako ikasbidaia antolatu behar duzue. Zenbat erabaki aurrean! Ekintza honek planifikatzea suposatuko dizue, ezta? Lan horretarako pistak eskainiko dizkizuegu:

Zenbat ideia! Baina guzti horrek beste modu bateko planifikazioa eskatzen du. Ikasbidaia egin ahal izateko, beraren kostua kontuan hartu beharko duzue, hau da, autobusaren (edo trena, hegazkina… aukeratzen garraiobidean arabera), ostatuaren (eta non izango da), egingo diren ekintzen kostua…

Baina garrantzi handia izango du ere gastuak nola ordainduko ditugun aztertzeak. Kuotak, zein ekimen burutuko dituzuen dirua lortzeko… Galdera asko!

Baina hori da aurrekontu batek behar duena: Gastuen eta Diru sarreren deskribapena!

Ikasbidaia antolatzeak erabaki batzuk hartzera behartuko zaituzte, besteak beste, baliabideak lortzeko sor daitezken egoerak eta bakoitzaren erantzukizuna.

Hau da saltsa! Talde txikietan azter itzazue ondorengo egoerak eta saia zaitezte bakoitzari irtenbidea aurkitzen:

• Nire gelakide batek ez du kuotarik ordaintzen.
• Gelakide batek kuota guztiak ezin izan ditu ordaindu, etxeko egoera ekonomikoarengatik.
• Dirua lortzeko zerbait antolatu dugunean denon parte-hartzea garrantzitsua da…. Hala ere ez da beti horrela izaten.
• Denok ez dute erantzukizunik hartzen.
• Batzuk uste dute ikasbidaira joan behar dugun guztiok kuotak jartzea ez dela hain garrantzitsua.
• 2 gelakidek bidaiarako dirua eskuratzeko ekimen batzuetan ez dute parterik hartu nahi.

Konturatu zarete?