Arabako Foru Aldundia

Sarrera

Araba lurraldeko udalerri guztiek osatzen dute; lurraldearen administrazioa eta gobernu orokorra Arabako Foru Aldundiaren egitekoak dira. Arabarrek hauteskundeetan hautatzen dituzte Batzar Nagusietan dituzten ordezkariak; horiek, gero, Diputatu Nagusia hautatzen dute beren artean. Foru Aldundiaren eta Batzar Nagusien egoitzak Gasteizen daude.

Foru Aldundiak honako zerbitzu hauek eskaintzen dizkiete herritar guztiei, besteak beste: gizarte zerbitzuen arloko laguntzak (adinekoak, desgaituak, pobrezian dauden pertsonak, genero indarkeriaren biktimak...); foru ogasuna (zergen kudeaketa); errepideak (eraiki eta mantendu); kultura eta kirolaren sustapena; gazteentzako zerbitzuak (udalekuak...); garraio publikoaren plangintza ("bidegorriak"...).

Foru Aldundiak bere aurrekontua dauka; beraren diru iturri nagusia zergen bilketa da.

Azkenik, pare bat galdera hausnarketarako:

“Zer gertatuko litzateke ez balego Arabako Foru Aldundiak eskaintzen dituen zerbitzu guztiak ordaintzeko behar den beste dirurik? Zer egin dezakegu, eta egin behar dugu, zerbitzu horiek erabili ahal izateko?”